رحلة الألفين ميل!

لقد مرّ وقت، وخلال هذا الوقت صارت أحداث كثيرة، وبعيداً عن الأحاديث المتداولة، أود مشاركة رحلتي بالدراجة الهوائية مسافة ٣٠٠٠كم لمدينة Giessen وهي المدينة التي كنت أسكنها عام ٢٠١٩م لمشاركة الأصدقاء فرحة عيد الفطر. بعد حوادث سابقة مع الدراجة هذه الرحلة الأولى ومن ثم إلى هولندا، بلجيكا، دوسلدورف وكولن وأخيراً من برلين وحتى هايدلبيرق.

بداية الرحلة بحكم عدم وجود خبرة أو معرفة كافية لمسافات طويلة، الخُطَّة كانت السفر مع أحد مختص والسير بالخيم ولكن بسبب ظروف ما قُدر لي المسير وحدي. فكانت الخيارات التي لدي محدودة، أستأجر دراجة، اشتري دراجة جديدة، أو أبدأ بالدراجة التي لدي. فكان الخيار الأخير ه الأنسب، ومنها بدأت. وكنت أتساءل ما أسوأ شيء ممكن الحدوث خلال الرحلة؟ لأي درجة تعب سوف أصل، ماهو أعمق نقطة جبل سوف أصل لها، وخلال هذه الأفكار كنت أتساءل عن أهداف الرحلة ،
تصين من الي اعرفهم عن ايش ممكن يحصل كأسوأ شيء خلال الرحلة؟ كانت بس انها حتعبني كثير في الطلوع والجبال، والطريق ماكان طريق مستوي خاصة آخر ١١٢ كم، شفت فيديو ومقاطع لأساسيات لو حصل شيء خلال الطريق، شلت عفشي الي احتاجه علبة الموية ومكسرات وتمرأهداف الرحلة كانت مختلفة:
-قدرة جسمي على الحركة لمسافات طويلة بالدراجة.
- بيئية وأن يكون السفر مو مجرد تجربة، إنما إضافة لأسلوب السفر الي قاعدة اكتشفه واصممه.
- حشوف أكثر، حأقابل ناس أكثر، حكون مع نفسي وأفكاري أكثر لأن تقريباً بمشي بحدود  ٥-٩ ساعات يومياً (تقريباً دوام كامل)
وحدة من التحديات الي كانت في بداية الرحلة هي معرفة الطريق المناسب للمسار، الأقل مرتفعات والي فيه خدمات، فكنت استخدم برنامج 
@komoot
  رهيب جداً للأنشطة الخارجية، يساعدك ترسم مسارك الخاص أو تشوف مسارات للرياضة الي 
تبى تعملها في منطقتك أو حولينها ويوريك المسار الصحيح لو خرجت منه
كنت في البداية مترددة كثير، ماقد عملت رحلة كدا وكيف حاسوي؟ كم كيلو حامشي كل يوم؟ طيب لا سمح الله لو صار كدا وكدا، اسئلة مرة كثيرة توتر، وحقيقي قررت أنو خلاص ما أفكر، اتجهز واستعد وانطلق، لأنو في بعض التساؤلات تجي للتشكيك والتشتيت مو عشان فعلاً تديها 
وقتك وتحاول تجاوب، اتوكل وامشي
التمرين الي عملته قبل الرحلة كان تقريباً مسار ١٢٠ كم خلال يومين منفصلة، طلعت فيهم للمدن القريبة مننا، الرحلة كانت تجربة الدراجة وتجربة اللياقة الجسدية، كانت مسافة بسيطة ومو متعبة بس كانت عشان أشوف الرحلة، بس التمرين كان مختلف عن الواقع، بصراحة الدراجة لساعات طويلة جداً مملة >آسفة
بالنسبة للتكلفة، السفر بالدراجة غير مكلف أبداً، خاصة لو بتستخدم برامج تساعدك وتسكن عند أشخاص محليين يساعدوك لو احتجت شيء، زي برنامج @warmshowers فكرته زي @Couchsurfing بس معروف أكثر للناس الي بتسافر بالدراجة، لان الي حيستضيف يكون عنده مكان للدراجة كمان، أغلبهم عوائل أو مختصين
بديت خط الرحلة لمدينة Cologne تقريباً ٧٠كم، استخدمت Couchsurfing وكان المكان رهيب، قدرت أخد طاقتي وأستعد لليوم الي بعده لمسافة ١٠٠ كم.
١٠٠ كم كانت ميسرة، المناظر كانت جميلة، الطريق مستوي وكانت الشمس دافئة، ولأن الرحلة كانت كل يوم تحديات، كان عندي حساسية فراولة وتقريباً قعدت سنوات كثيرة ما أكل فراولة، بس قررت أكل وأشوف فعلاً ردة فعل جسمي (لاننا مانعرف بعض الأمور إلا بالتجربة) الحمدلله كانت لذيذة وماصار شيء Grinning face with smiling eyes
وصلت Neuwied قبل مدينة Koblenz على الغروب، يمكن المنظر دا من أجمل المناظر، قعدت استنى الي حيستضيفني، عملت شكشوكة وكانت لذيذة (أو يمكن خلال الرحلات والسفر كل الأكل يكون لذيذ) Woman shrugging
اليوم الأخير للوصول أكثر يوم متعب، اليوم الي عرفت فيه حقيقة أفكاري ولحظات يأسي وفقدي للأمل ولحظات توتري ولحظات عزمي وثقتي في نفسي، كان أطول مسافة قرابة ١١٢كم، والطريق كله مرتفعات، والي أحب أقله لاحد يستخدم http://Map.me أو Google map لمسار الدراجات، بيوديك طريق متعب مرة
الدروس الي اتعلمتها خلال اليوم دا ماتتنسى، لأنو أوقات نتعلم الدرس بالطريقة الصعبة والمؤلمة، اخدت درسي بأول حادث خلال الرحلة (كنت مترقبة اللحظة دي Face with tears of joy)فكون واثق من دراجتك، ودراجتك حتمشي على الطريق الي عينك عليه، وعيني كانت على الشجر وفجأة...!!! Woman gesturing ok
طبعاً اليوم ماكان راضي يكمل بدون ماتزيد أحداث ، نزل مطر وبسبب المطر اتعسر عليا الطريق، خلصت الموية والشمس على وشك تغرب، لسا ماوصلت، مافي موية، مطر، وصارلي حادث، ولمبات الدراجة ماتشتغل، جوالي ٢٠٪ ولسا باقيلي أكثر من ٤ ساعات وأوصل، وخلاص كنت باغني لأقعدن على الطريق واشتكي ودراما!!!
بعد ماوصلت أقرب مدينة كانت الساعة تقريباً ١٠ ونص فأخذت قطار ٨ دقايق وأوصل، قابلت شخص عشان أسئله لو عنده شاحن، اسمه أمين من أفغانستان جى ألمانيا قبل ٤٠ سنة، اتزوج وعنده بنت وولد، زوجته اتوفت السنة الي فاتت، رغم حزنه في عينه إلا انه ساعدني وعزمنا على الغدا نعيّد عنده واكرمنا كثيرWhite heart
بعد يوم طويل، الكثير من المغامرات، الناس اللطيفة، الخير والتسخيرات من الله في كل شيء، بعد ماقابلت ناس في الطريق ساعدوني باحتياجات، بموية، بوجبة لذيذة وبكرمهم وخيرهم، وصلت المكان المقصود بالسلامة وبصحة وعافية . الجزء الأول من الرحلة اكتمل بدراجتي (كولادا) والرحلة الي ماتتنسى Yellow heart
وصلت منطقة Hessen، احتفلنا بالعيد وعيدنا ، اشترينا حلويات وأكل بسيط ووزعنا للاطفال في الشارع، الاشخاص الي ماعندهم بيت وكان مصدر رزقهم يعتمد على السياح (في مناطق كثير هومليس، وكثير بيعانوا الفترة دي من الجوع) لاتبخل عليهم بأكل طيّب عندك، اكسب اجرهم واعطيهم الي تقدر عليه. 🙏🏼
خلال العيد عزمنا أمين (الي قابلته في المحطة وساعدني في الدراجة) طبخ لنا أكل من بلده وكان قريب من الأكل العربي والهندي، كان لذيييذ جداً، وعمله فيجيتيريان وفيقان عشاننا Smiling face with open mouth and smiling eyesTwo hearts اخذنا جولة في مدرسته الي يشتغل فيها، عزف كم مقطوعة وانضم للعزيمة اللطيف عبدالرحمن وبعد مامشيت عزفوا مع بعضMultiple musical notes
مطعمي المفضل Veganatural ساعدتهم في التنظيف والطبخ وسوينا كاري، وعملتهم معصوب نباتي عضوي، وباعوه عندهم وعجبهم مرة Smiling face with heart-shaped eyes✌🏻 المسؤولة عن قسم الحلويات عشان الي عملته عرفت عن الرحلة وقالتلي: عندي دراجة لها سنتين ماحتاجها فتقدري تاخديها لرحلتك! في نفس اليوم كنت بفكر اشتري دراجة! تسخيرBlue heart
روحت لعندها أشوف الدراجة، ماقبلت تاخد مني اي مبلغ او اي شيء، كانت طيّبة جداً وقالتلي انو كانت بتفكر تهديها أحد او تبيعها، بس شافت اني الشخص المناسب Loudly crying faceBlue heart تنحت قد ايش انو احنا مانعرف بعض، قابلتها خلال الرحلة ٣ مرات بس، ورغم ذلك ماترددت Two hearts الفيديو ظلام بس حاولت اصور الي اقدر عليه Smiling face with open mouth and tightly-closed eyes
الدراجة كانت كويسة جداً، حاولت أصلح الي يحتاج يتصلح، الكفرات وشيكت الي احتاجه، قرر أحد الأصدقاء ينضم للرحلة يجرب كأول مرة له في حياته رحلة طويلة، قررنا نبدأ أول مسافة من Frankfurt > Mainz وكان الي حيستضيفنا Couchsurfing هناك. اخدنا الي نحتاجه واتغيدنا واتوكلنا لرحلة العودة للمنزل
بعد ماوصلنا عند الي استضافونا كانوا لطيفين جداً، راسلوني قبل الرحلة لو انهم على خط الروحة، واتحمست وقلت اقابلهم في خط الرجعة. موقع بيتهم والاطلالة جميلة، اول ماوصلنا اكرمونا بشاي وعشاء نباتي لذيذ والصبح عملنا مزيج بين الاكل التركي والعربيSmiling face with open mouth and smiling eyes كانوا عايشين في تركيا ٥ سنوات Flag of Turkey
اليوم الي بعده وقت الانطلاق للمسافة الاكبر اكثر من ١٠٠كم، اكتشفنا ان العجلات تحتاج تغير، فالي كنا قاعدين عندهم اخدونا لمحل الدراجات نغير العجلات، الوقت أخذ مننا أكثر مما كنا نتوقع وكنت شايلة هم انو نوصل بعد غروب الشمس، لان السواقة تصير متعبة وتوتر شويا. بس حصل ماحصل 🤷🏻‍♀️
لقطة ونحن نصلح الدراجات، قعدنا قرابة ساعتين عشان نصلح في المحل، في الساعتين دي اتعلمت عن الدراجات اكثر من الي اعرفه خلال السنة. الي فاتت Rolling on the floor laughing عالم مختلف تماماً... بس كان جزء ممتع من الرحلة انو اتعلمت اشياء عن الأداة الي بتنقل فيها 🤷🏻‍♀️
الوجهة كانت Koblenz وكنا متفقين مع عائلة في Warmshower يستقبلونا، الطريق كان جميل، على يمينك النهر والجبال ويسارك المدن والقرى، وخلال الطريق تقابل أشخاص وأطفال وكشك صغير وفعاليات لطيفة Two hearts الجو كان مشمس ومشرق الحمدلله وساعدنا نستمتع شويا رغم اننا كنا مستعجلين نوصل قبل الغروبSun with face
الي معايا في الرحلة ماقد طلع رحلة كدا من قبل فصارت احداث كثيرة وخلصت الموية، الهواء بدأ يصير أقوى ويصعب علينا خلال المسار لاننا ماشين عكسه، فتعب مرة قبل نوصل المكان ساعتين تقريباً، قعدنا نستنى باص الساعة ١١ وشيء وماكان في باصات والقطار الي كنا حناخده مشي . We couldn’t make it 🤷🏻‍♀️
المحلات كانت مقفلة، الوقت متأخر، الشوارع فاضية، الي معايا تعبان مرة وبدأ يطلّع وجسمه بيعطي ردة فعل من المسافة، ماكان في باصات ولا شيء حولنا، قابلنا ناس في الشارع وماكان في حل غير نسألهم لو نقدر نجلس عندهم ليلة وحدة بس لين الصبح نشوف 🤷🏻‍♀️ وافقوا ودا كان المكان اللطيفTwo hearts
اليوم التالي حسيت ان الي معايا يحتاج راحة ومحايقدر يكمل الرحلة، فقلتله ياخد اقرب قطار ويرجع البيت ويريح، بعد نقاش لمدة ساعة ونصف معاه ومع والده واخوانه رضي واخدنا اخر وجبة لذيذة قبل امشيSeedling كان أحد القرارات السعيدة بيها لانها كانت مسؤولية، مهم تعرف حدود جسمك وقدرتك ومتى توقف🙏🏼
كملت الرحلة لحالي، الوجهة كانت Cologne عند Couchsurfing، الي عملوه انه سابوا البيت كله ليا، وصلت وكان العشاء جاهز ولذيذ جداً بعد رحلة طويلة ومرهقة، كانوا حاطين تمر ومكسرات جنب السرير، عطوني علب مليانة اكل اخدها معايا اليوم الي بعده، سوولي فطور لذيذ ، تعبت من اللطف والكرم Pleading faceHeart suitHeart suit
اليوم الأخير، آخر مسافة لبيتي، كانت المسافة مش طويلة قرابة ٧٠كم، فقررت اروح البحيرة واقابل زميلي السابق في اللغة، قابلت برضو كاوتشسيرفينق تاني واتحكينا وطلعو الاتنين في مجال الافلام ✌🏻 خلصت رحلة العودة وكانت ٣٠٨كم، from Frankfurt to Duisburg White heavy check mark الرحلة انتهت هنا وابتدأت رحلة اخرى
انتهت رحلة الدراجة الأولى، قابلت أشخاص لطيفين في كل مكان، الناس فيهم خير وناس كثيرة حتعطي بدون قيود أو شروط او مقابل، الناس دي في كل مكان لو قدرنا بس نفتح قلبنا ونشوفهم خلال طريق الحياةHeart suit شكراً لكل شخص اكرمني وساعدني خلال الرحلة، لكل شخص قلي (انتي مجنونة) ولأصدقائي الي آمنوا فيا.